Мәдениет және спорт министрі Арыстанбек Мұхамедиұлы ән жазып, оны Қайрат Нұртас пен Айдана Меденова орындады. Жас әншілердің бейнебаянда түскенін министр Фейсбуктегі парақшасында жазды, деп хабарлайды ELnews.kz.
"Достарым, сіздермен «Бақытты жандармыз» композициясына түсірілген бейнебаянмен бөліскім келіп отыр, оның авторы өзім, сөзін жазған Асқар Дүйсенбі. Шығарманы таныстыруды қажет етпейтін жас, дарынды, танымал әншілер Қайрат Нұртас пен Айдана Меденова орындайды. «Бақытты жандармыз» сіздерге ұнайды деген үміттеміз. Жанға жағымды болсын!", - деп жазды министр.
